ABB-də gələcəyin bankçılığını qarşılayın – səsli süni intellekt köməkçisi ilə bank əməliyyatları!

Ölkəmizə bir sıra yeni təcrübələr gətirən ABB müştərilərinə tamamilə fərqli bir xidmət təqdim etdi. ABB müştəriləri artıq süni intellekt əsaslı səsli icra xidmətindən faydalana bilirlər. AI-khan və AI-nur adlanan virtual köməkçilər onlara ABB-nin xidmət və məhsulları haqqında bütün məsələlərdə operativ kömək göstərəcək. Bu köməkçilər səsli komandalarla əməliyyatları yerinə yetirir və suallara cavab verir. Yeni süni intellekt texnologiyası müştərilərə bank əməliyyatlarını daha rahat, sürətli və intuitiv şəkildə həyata keçirməyə imkan verir. Bu zaman təhlükəsizlik də ən yüksək səviyyədə qorunur. Bu süni intellekt əsaslı səsli xidmət gələcəyin bankçılığının mühüm hissəsidir.

Bu yenilik hal-hazırda Beta test mərhələsindədir. ABB mobile tətbiqinin əvvəlcədən qeydiyyatdan keçmiş 10 000 istifadəçisi artıq AI-khan və AI-nurla danışa bilir. Onlar ilk funksiya kimi telefon nömrəsi ilə pul köçürməsini sınaqdan keçirə bilərlər. Bu əməliyyatı yerinə yetirmək üçün vəsait köçürüləcək mobil nömrə pul köçürən şəxsin telefonunun yaddaşında olmalıdır. İstifadəçi pul köçürüləcək mobil nömrə sahibinin ad və soyadını səsləndirir. Virtual köməkçi dərhal əməliyyatı yerinə yetirir. Bu sadə sistem müştərilər üçün bank əməliyyatlarını sürətləndirir.

İlkin mərhələdə bu imkan hələlik pul köçürmələrinə və bankla bağlı sualların cavablandırılmasına aiddir. Buna baxmayaraq, planlara görə yeni süni intellekt təcrübəsi tezliklə başqa bank əməliyyatlarını da əhatə edəcək. ABB müştəri rəylərini nəzərə alaraq xidməti daha da təkmilləşdirəcək. AI-khan və AI-nur kimi virtual köməkçilərin tətbiqi ABB-nin rəqəmsal bankçılığa sadiqliyini göstərir və müştəri xidmətlərinin keyfiyyətini artırır.