Azərbaycan Premyer Liqasında XIV tura start verilib

Misli Premyer Liqasında XIV tura start verildi. Turun ilk oyun günündə böyük maraq doğuran bir nəticə qeydə alındı. Lider "Qarabağ" səfərdə "Zirə"nin qonağı oldu, amma gərgin görüşdə tərəflər xalları yarı böldülər.

Zirə İdman Kompleksinin stadionunda baş tutan matç 1:1 hesabı ilə heç-heçə yekunlaşdı. Oyunda ilk fərqlənən komanda meydan sahibləri oldu. "Zirə"nin heyətində 31-ci dəqiqədə İssa Cibrilia qol vurdu. Qısa müddət sonra "Qarabağ" hesabı bərabərləşdirdi. 44-cü dəqiqədə Enrike Kustadio avtoqol müəllifi oldu və beləliklə tarazlıq yarandı.

Bu nəticədən sonra hər iki komandanın turnir cədvəlindəki mövqeyi dəyişmədi. Xallarının sayını 30-a çatdıran "Qarabağ" lider mövqeyini qorudu. 27 xala malik olan "Zirə" isə ikinci pillədə qərarlaşıb. Qeyd edək ki, Misli Premyer Liqasında XIV tura dekabrın 9-da yekun vurulacaq.