Coşua Van XXI əsrdə doğulan ilk UFC çempionu kimi tarixə düşüb

Myanmalı idmançı Coşua Van UFC 323 turnirində Braziliya təmsilçisi Alexandre Pantojanı texniki nokautla məğlub edərək ən yüngül çəki dərəcəsində çempion titulunu qazanıb. Bu qələbə Vanı 21-ci əsrdə doğulan ilk UFC çempionu kimi tarixə yazdı. Döyüş ABŞ-nin Nevada ştatının Las-Veqas şəhərində keçirildi. Görüşün başlanğıcından cəmi 25 saniyə sonra Pantoja yıxılarkən aldığı zədə səbəbindən hakim döyüşü dayandırdı.

Bu sürətli qələbə, Coşua Vanın adını təşkilatın rekord siyahılarına daxil etdi. 24 yaşlı Vanın MMA karyerasında indiyə qədər 16 qələbəsi və cəmi 2 məğlubiyyəti var. O, xüsusilə XXI əsrdə doğulan ilk UFC çempionu olması ilə fərqlənir. Qələbə qazandığı anda 24 il, 1 ay, 27 gün yaşı olan Van, təşkilatın ən gənc çempionları siyahısında ikinci yerdədir. Bu göstərici ilə o, titulu 23 yaş, 2 aylığında qazanmış Con Consdan sonra gəlir. Vanın digər əhəmiyyətli nailiyyəti isə onun UFC-də çempion olan ilk asiyalı kişi döyüşçü kimi tarixə düşməsidir.

Vanın məğlub etdiyi idmançı Alexandre Pantoja 35 yaşındadır. Pantoja MMA döyüşlərində 30 qələbə və 6 məğlubiyyətə malikdir. O, 2023-cü ilin iyul ayında meksikalı Brendon Morenonu məğlub edərək UFC çempionu olmuşdu. Pantoja Vanla qarşılaşmaya qədər ardıcıl dörd dəfə titulunu uğurla müdafiə etmişdi. Bu döyüşdəki məğlubiyyət onun çempionluq seriyasına son qoydu və Van üçün ən yüngül çəki dərəcəsinin yeni lideri olmağa yol açdı.