Dil öyrənmədən xaricdə oxumaq mümkündürmü? - UniDestin Təhsil Mərkəzi bu suala aydınlıq gətirir

Xaricdə təhsil almağı planlayan tələbələrin ən çox verdiyi suallardan biri dil bilikləri olmadan universitetə qəbulun mümkün olub-olmamasıdır. UniDestin Təhsil Mərkəzinin mütəxəssisləri bu suala aydınlıq gətirərək bildirirlər ki, bəzi hallarda xarici universitetə dil sertifikatı olmadan qəbul almaq mümkündür.

Mütəxəssislər qeyd edirlər ki, akademik müvəffəqiyyət üçün dil hazırlığı mütləqdir, lakin bəzi ölkələr buna alternativ yollar təklif edir. Məsələn, Çin, Türkiyə və bəzi Avropa ölkələrinin ali təhsil müəssisələri tələbələri hazırlıq ili (foundation/preparatory year) və ya şərti qəbul əsasında qəbul edirlər. Bu sistemdə tələbə universitetə qəbul almış sayılır, lakin əsas ixtisasa başlamazdan əvvəl intensiv dil hazırlığı mərhələsindən keçməlidir. Bu hazırlıq yerli dil və ya ingilis dili üzrə təşkil edilə bilər. Təhsil mütəxəssisləri vurğulayırlar ki, dil bilikləri olmadan birbaşa ixtisas təhsilinə başlamaq həm akademik çətinliklər, həm də adaptasiya problemləri yarada bilər.

Bu səbəbdən ən doğru yanaşma qəbul prosesi ilə paralel şəkildə dil hazırlığına başlamaqdır. Mütəxəssislər bildirirlər ki, məqsəd sadəcə qəbul almaq deyil, həm də universitetdə uğurla oxumaqdır. Hazırda xaricdə təhsil planlayan tələbələrin əksəriyyəti IELTS, TOEFL və HSK kimi beynəlxalq dil sertifikatlarına xüsusi maraq göstərir. Bu sertifikatlar təkcə qəbul üçün deyil, eyni zamanda təqaüd proqramları, akademik üstünlüklər və gələcək karyera imkanları baxımından da böyük əhəmiyyət daşıyır. Dil hazırlığı proqramları tələbələrin imtahan nəticələrini yaxşılaşdırmağa, akademik mühitə uyğunlaşmağa, yazı və danışıq bacarıqlarını inkişaf etdirməyə kömək edir. Bu hazırlıq tələbələrin həm qəbul, həm də təqaüd qazanma şansını artırır.

UniDestin mütəxəssisləri bu ehtiyacı qarşılamaq üçün tələbələrə dil hazırlığı, universitet qəbulu və viza dəstəyini əhatə edən vahid sistem təqdim edirlər. Bu model tələbələrə vaxt itirmədən qəbul almağa və universitet həyatına daha asan uyğunlaşmağa imkan verir.