III Çarlz kiçik qardaşını son kral titullarından məhrum edib

Böyük Britaniya monarxı III Çarlz kiçik qardaşı, keçmiş şahzadə Endryunu son kral titullarından məhrum etdi. Bu qərar amerikalı maliyyəçi Ceffri Epşteyn ilə əlaqələri üzündən yaranan böyük qalmaqaldan sonra verilib. Hökumət bülleteni "The Gazette" yaydığı məlumatda kralın bu qərarını təsdiqləyib.

Kralın sərəncamına əsasən, Endryu Albert Kristian Edvard Mauntbettən-Vindsor Qılınc nişanı ordeninin üzvü olmaq hüququnu itirdi. Onun adı ordenin qeydiyyat siyahısından tamamilə çıxarılıb. Bu, Şahzadə Endryunun əlində qalan ən yüksək rəsmi rütbələrdən biri idi və bu addım onun kral ailəsindəki mövqeyinin nə dərəcədə zəiflədiyini göstərir.

Bundan əlavə, monarx Endryunun digər yüksək rütbəsini də ləğv etdi. Qardaşının Kral Viktoriya Ordeninin Böyük Xaç Cəngavəri rütbəsinə ucalması haqqında qərar da geri alınıb. Bu iki əsas rütbənin geri alınması III Çarlzın Endryunun bütün rəsmi vəzifələrini dayandırmaq qərarının son mərhələsi oldu.