İzmirdə 28 qanunsuz miqrant saxlanılıb

Türkiyənin İzmir vilayətində, Egey dənizinin Urla rayonu sahillərində 28 qanunsuz miqrant saxlanılıb. Sahil Mühafizəsi Komandanlığı bu hadisə barədə məlumat yayıb.

Bildirilib ki, dəniz sərhədində yaxalanan miqrantlar arasında azyaşlılar da var. Saxlanılan şəxslərdən 11 nəfəri uşaqdır. Onlar qeyri-qanuni yollarla ölkəni tərk etməyə çalışırdılar.

Əməliyyat zamanı həmçinin insan qaçaqçılığı ilə məşğul olmaqda şübhəli bilinən şəxslər də yaxalanıb. Bu insanlar İzmir vilayətinin Urla rayonu sahillərində qanunsuz çıxış təşkil etməyə cəhd edirdilər.

Saxlanılan bütün qanunsuz miqrantlar lazımi prosedurların icrası üçün Miqrasiya İdarəsinə göndəriliblər. Şübhəli bilinən qaçaqçılarla bağlı istintaq davam etdirilir.