Norveçli vinger "Barselona"nın hədəfindədir

"Leypziq"in gənc futbolçusu Antonio Nusa karyerasını İspaniya La Liqasında davam etdirə bilər. İspaniya nəhəngi "Barselona" norveçli vingeri heyətinə qatmaq niyyətindədir. Bu transfer La Liqa klubu üçün xüsusi əhəmiyyət daşıyır, çünki komanda gələcəyə hesablanmış gənc istedadları komandaya cəlb etməyə çalışır. 20 yaşlı norveçli artıq Avropa futbolunda özünü göstərməyə başlayıb. Məhz buna görə də "Barselona" nümayəndələri bu oyunçunu ciddi şəkildə izləyirlər. Nusa-nın transferi klubun heyətini gücləndirə biləcək vacib addım kimi qiymətləndirilir.

"Barselona" rəsmiləri gənc ulduzun çıxışını birbaşa meydanda görmək üçün hərəkətə keçiblər. La Liqa nəhənginin skautları Norveç millisinin üzvünü DÇ-2026-nın seçmə mərhələsindəki vacib matçda izləyiblər. Söhbət Norveçin İtaliya ilə keçirdiyi oyundan gedir. 20 yaşlı hücumçu bu görüşdə özünü sübut edərək mühüm bir qol vura bilib. Oyun zamanı onun sürəti və texnikası skautların diqqətini çəkib. Bu nümayiş "Barselona"nın rəhbərliyinin tezliklə transfer hərəkətinə keçməsinə səbəb ola bilər.

Məlumatlara görə, "Barselona" Nusa ilə bağlı qərarını təxirə salmayacaq və yaxın zamanda rəsmi təklif göndərəcək. Qeyd etmək lazımdır ki, Antonio Nusa hələ yeni "Leypziq" oyunçusudur. Almaniya klubu onu 2024-cü ilin yayında Belçikanın "Brügge" klubundan 21 milyon avroya transfer etmişdi. Buna baxmayaraq, "Barselona" gənc futbolçunu cəmi bir neçə aydan sonra Almaniyadan ayırmağa hazırdır. O, cari mövsümdə Bundesliqa təmsilçisinin heyətində 13 rəsmi matçda iştirak edib. Bu oyunlarda Antonio Nusa 1 qol və 1 məhsuldar ötürmə ilə yadda qalıb.