Portuqaliya millisinin üzvü "Benfika"ya keçə bilər

"Bavariya"nın müdafiəçisi Rafael Qerreyro yaxın zamanlarda ölkəsi Portuqaliyaya qayıda bilər. Portuqaliya nəhəngi "Benfika" hazırda Almaniya klubunda çıxış edən futbolçunu transfer etmək niyyətindədir.

Bu transfer imkanının əsas səbəbi Qerreyronun "Bavariya" ilə müqaviləsinin yayda başa çatmasıdır. Lissabon nəhəngi bu fürsətdən yararlanaraq hərəkətə keçməyi düşünür. "Benfika" 31 yaşlı sol cinah müdafiəçisini müqavilə müddətinin sona çatmasını nəzərə alaraq, yanvar ayında daha uyğun qiymətə heyətinə qata biləcəyinə ümid edir.

Portuqaliya millisinin təcrübəli üzvü 2023-cü ilin yayından bəri "Bavariya"nın formasını geyinir. Qısa müddətdə olmasına baxmayaraq, Qerreyro Münhen təmsilçisinin heyətində stabil çıxış edib. O, bu mövsüm meydana çıxdığı 17 rəsmi matçda 3 qol vurub və 3 məhsuldar ötürmə verərək yaxşı statistika nümayiş etdirib. Onun potensial olaraq Portuqaliya futboluna qayıtması yerli çempionat üçün əhəmiyyətli hadisə sayılır.