​Kərəm Aktürkoğlu üzr istədi

Türkiyənin "Fənərbaxça" klubu ötən gecə rəqib meydanda "Başakşəhərspor"la bərabərə qaldı. Bu nəticə klubun çempionluq yarışında ağır zədə alması deməkdir. Matçdan sonra komandanın ulduz futbolçusu Kərəm Aktürkoğlu xal itkisinə görə tərəfdarlardan üzr istəmək məcburiyyətində qaldı. O, komandanın önə keçəndən sonra hesabı qoruya bilməməsindən kədərləndiyini bildirdi.

Aktürkoğlu gecənin nəticəsi ilə bağlı fikirlərini bölüşərkən azarkeşlərə sevinc yaşada bilmədiyi üçün təəssüfləndiyini vurğulayıb. "Bu gecə azarkeşlərimizə sevinc yaşada bilmədiyimiz üçün onlardan üzr istəyirəm," deyə o qeyd etdi. "1:0 öndə olduğumuz halda hesabı qoruya bilmədik. Belə durumlarda daha ağıllı olmaq lazımdır." Futbolçu əlavə etdi ki, meydandan 3 xalla ayrılmaq üçün göstərdikləri səylər yetərli olmayıb və "deməyə sözümüz yoxdur."

"Fənərbaxça"nın qolçusu artıq bütün diqqətlərini qarşıdakı oyunlara yönəltdiklərini söyləyib. Ulduz futbolçu çempion olmaq üçün turnirin sonuncu həftəsinə kimi sahədə tər axıdacaqlarına söz verib. Onlar hədəfə çatmaq üçün mübarizəni davam etdirməkdə qərarlıdırlar.