Ukraynanın NATO-ya qoşulması ilə bağlı fikir birliyi yoxdur

NATO-nun Baş katibi Mark Rutte Ukraynanın alyansa üzvlüyü məsələsi haqqında açıqlama verib. Ruttenin sözlərinə görə, müttəfiqlər arasında Ukraynanın NATO-ya qoşulması ilə bağlı fikir birliyi yoxdur.

O bildirib ki, hazırda tərəflər məsələ barədə birgə mövqe sərgiləmir. Rutte qeyd edib ki, Ukraynanın NATO-ya qoşulması üçün bütün müttəfiqlərin razılığa gəlməsi şərtdir. Rutte eyni zamanda ABŞ-nin Ukraynada sülhə nail olmaq cəhdlərini alqışlayıb. O əlavə edib ki, bu davamlı səylər sonda Avropada sülhü bərpa edəcək.

Baş katib həmçinin Rusiyanın fəaliyyətini pisləyib. Rutte deyib ki, Rusiya sistematik olaraq mülki infrastrukturu sıradan çıxarır. O iddia edib ki, Rusiya bu müharibədə tək deyil. Ruttenin sözlərinə görə, Çin Rusiyanın qəti tərəfdarıdır və Şimali Koreya da Moskvaya dəstək verir.