​Yamal İspaniya - Turkiyə matçında oynamayacaq

İspaniya milli futbol komandası əhəmiyyətli bir itki ilə qarşılaşıb. Əsas heyətin ən önəmli futbolçularından biri olan Lamine Yamal zədələnib. Bu səbəbdən gənc ulduz yaxınlaşan qarşılaşmalarda komandasına kömək edə bilməyəcək.

İspaniya mediasının yaydığı məlumata görə, həkimlər Yamalın zədəsini ciddi qiymətləndirirlər. Mütəxəssislər bildirirlər ki, o, yaşıl meydanlardan ən azı 10 gün uzaq qalacaq. Bu müddət Yamalın millinin mühüm oyunlarına çıxışını əngəlləyir.

Yığma bu itkiyə baxmayaraq, qarşıdakı iki oyuna hazırlaşır. İspaniya noyabrın 15-də Gürcüstan milli komandasının qonağı olacaq. Üç gün sonra, noyabrın 18-də isə öz meydanında Türkiyə yığmasını qəbul edəcək. Futbol mütəxəssisləri heyətdəki zədələrə baxmayaraq, İspaniya komandasını hər iki oyunun favoriti sayırlar.