Saat 8:00 - Xəbər İcmalı
Samarada dron hücumu nəticəsində yaşayış binası çöküb
Rusiyanın Samara vilayətinin Sızran şəhərində pilotsuz uçuş aparatı ilə hücum nəticəsində çoxmənzilli yaşayış binasının bir bloku qismən çöküb. Vilayət qubernatoru Vyaçeslav Fedorişev hadisəni təsdiqləyib. Dağıntılar altında insanların qalma ehtimalı var, axtarış-xilasetmə əməliyyatları davam edir.
Kallas: Aİ tərəfdaşları Ukrayna məsələsində kömək etmək istəmirlər
Avropa İttifaqının Xarici İşlər və Təhlükəsizlik Siyasəti üzrə ali nümayəndəsi Kaya Kallas Ukraynaya dəstək məsələsində Aİ tərəfdaşlarının Brüssellə əməkdaşlıq etməməsindən narahatlığını ifadə edib. Kallas qeyd edib ki, Avropa İttifaqı Sudan, Somali və digər ölkələrdə fəaliyyət göstərir, lakin tərəfdaşlar Ukrayna istiqamətində lazımi dəstəyi göstərmirlər.
Dövlət Turizm Agentliyi İstanbul Hava Limanında reklam üçün 1,4 milyon manat xərcləyəcək
Dövlət Turizm Agentliyi İstanbul Hava Limanında Azərbaycanın təbliğat materiallarının yerləşdirilməsi üçün xidmət sifariş edib. Bu iş üçün Türkiyənin "Mediaport Reklamcılık Anonim Şirketi" ilə müqavilə imzalanıb. Layihənin dəyəri 1,4 milyon manat təşkil edir.
Bakı metrosunda bu gün qatarlar gecikəcək
Bakı Metropoliteni bu gün - 22 aprel tarixində bütün xətlər üzrə qatarların hərəkətinin şənbə günü qrafikinə uyğun təşkil olunacağını elan edib. "Əhmədli-28 May" xətti üzrə qatarlar 2 dəqiqə intervalla, digər xətlərdə isə fərqli intervallarla işləyəcək. Sərnişinlərə hərəkət planlarını nəzərə alaraq vaxtlarını düzgün planlaşdırmaları tövsiyə olunur.