Saat 21:00 - Xəbər İcmalı
ABŞ müdafiə kontraktorunun keçmiş rəhbəri Rusiyaya haker alətləri satdığına görə məhkum olunub. ABŞ müdafiə şirkəti L3Harris-in kibertəhlükəsizlik bölməsinin sabiq rəhbəri, 39 yaşlı avstraliyalı Peter Williams Rusiya brokerinə haker alətlərini satdığına görə keçmiş işəgötürəninə 10 milyon dollar ödəməyə məhkum edilib. Bu məbləğ Williams-in əvvəllər ödəməli olduğu 1,3 milyon dollara əlavə olaraq təyin olunub. Məhkəmə qərarı kibertəhlükəsizlik sahəsində ciddi qanun pozuntusunu ortaya qoyur.
Haiti prezidentinin öldürülməsi ilə bağlı ABŞ-da dörd nəfər təqsirli bilinib. ABŞ federal məhkəməsi 2021-ci ildə sui-qəsd nəticəsində öldürülən Haiti Prezidenti Jovenel Moizinin qaçırılması və ya öldürülməsində iştirak etməkdə ittiham olunan dörd nəfəri təqsirli hesab edib. Hökm Cənubi Florida məhkəməsi tərəfindən çıxarılıb. Məhkum olunanların hamısı Mayamidə yerləşən "Counter Terrorism Unit" adlı qurumla əlaqəli olub.
ABŞ Dövlət Katibi Rubio Avropadakı hərbi varlıq məsələsində NATO müttəfiqlərinə mesaj göndərib. Marko Rubio bildirib ki, Amerika Avropada yerləşdirdiyi qoşunların sayına qərar verərkən NATO müttəfiqlərinin İran konfliktindəki mövqeyini nəzərə alacaq. Rubio vurğulayıb ki, Amerikanın resursları sonsuz deyil və son qərarı ABŞ Prezidenti Donald Tramp verəcək.
Azərbaycanda buraxılış imtahanlarının nəticələri açıqlanıb - 8 şagird maksimum bal toplayıb. Dövlət İmtahan Mərkəzi tərəfindən aprelin 12-də keçirilən 9 illik orta təhsil səviyyəsi buraxılış imtahanının nəticələrinə görə, ölkə üzrə 8 şagird maksimum 300 bal toplayıb. Onlardan 7-si Bakı və Abşeron məktəblərinə, biri isə regional məktəbə mənsub olub.
"Real Madrid" iki futbolçusunu məşqdəki insidentə görə ağır cərimələyib. Klub uruqvaylı yarımmüdafiəçi Federiko Valverde və fransalı Orelyen Çuamenini məşq zamanı aralarında baş verən insidentə görə hər birini 500 min avro məbləğində cərimələyib. Hadisədən sonra futbolçularla görüş keçirilib və tərəflər barışıb.
Bakıda iki küçədə təmir işlərinə görə nəqliyyatın hərəkəti məhdudlaşdırılacaq. Abbas Mirzə Şərifzadə və Səməd Vurğun küçələrində asfalt-beton örtüyünün yenilənməsi işləri aparılacaq. Sürücülərdən bu ərazilərdə diqqətli olmaları və alternativ marşrutlardan istifadə etmələri xahiş olunur.