Saat 16:00 - Xəbər İcmalı
Bruno Fernandes Premier Liqanın mövsümün ən yaxşı oyunçusu seçilib. Manchester United kaptanı Bruno Fernandes İngiltərə Premier Liqasının 2024-2025 mövsümünün ən yaxşı oyunçusu adına layiq görülüb. Portuqaliyalı yarımmüdafiəçi bu ayın əvvəlində Futbol Yazarları Assosiasiyası tərəfindən də kişilər arasında mövsümün ən yaxşı oyunçusu elan edilmişdi.
İran və Pakistan arasında təhlükəsizlik danışıqları davam edir. İran Xarici İşlər Naziri Abbas Erakçi ilə Pakistan Qoşunlarının Baş Qərargah Komandanı Asım Munir Tehranda ikinci dəfə görüşüblər. Görüşün mərkəzində regionda təhlükəsizlik məsələləri dayanıb. Bildirilir ki, danışıqlar həm də Tehran ilə Vaşinqton arasında vasitəçilik prosesi fonunda keçirilir.
Fransa Dover limanında yeni AB sərhəd nəzarətini müvəqqəti dayandırıb. Fransa hökuməti şənbə günü Dover limanında turistlərin və sərnişinlərin uzun növbələrə düşməsinin ardından yeni tətbiq olunan Avropa İttifaqı sərhəd nəzarətlərini müvəqqəti olaraq dayandırmaq qərarına gəlib. Limandan gəmilərlə İngiltərəyə keçmək istəyən səfər edənlər ciddi gecikmələrlə üzləşmişdilər.
Azərbaycanda ilk dəfə sənaye məqsədli meşə salınacaq. Ekologiya və Təbii Sərvətlər Naziri Rəşad İsmayılov bildirib ki, ölkədə pilot layihə çərçivəsində pavloniya və sürətlə böyüyən digər ağac növlərindən istifadə etməklə sənaye meşəciliyi modeli formalaşdırılacaq.
Çin Afrika ilə iqtisadi əməkdaşlığı genişləndirməyə davam edəcək. Çin Xarici İşlər Nazirliyi sözçüsü Guo Jiakun açıqlayıb ki, Pekin Afrika ölkələri ilə ortaq inkişaf məqsədilə iqtisadi tərəfdaşlıq müqavilələrini imzalamağa və gömrük vergisi azadlığının tətbiqini davam etdirəcək. Çin 53 Afrika ölkəsinə gömrük vergisi muafiyyəti tətbiq edən ilk böyük ölkə olaraq qeyd olunur.
Türk Dəniz Qüvvələri Senegaldə nəzarət uçuşlarını davam etdirir. Türkiyənin Afrikadakı müdafiə əməkdaşlığı çərçivəsində Türk Dəniz Qüvvələrinə məxsus dəniz nəzarət təyyarələri Senegaldə əməliyyatlarını davam etdirir. Milli Müdafiə Nazirliyi bununla bağlı açıqlama verib.