Son Xeberler
6 abunə
Bakıda dəm qazından boğulan 5 nəfərdən 4-ü tələbədir
23.02.2021 14:22
443 baxış sayı
3 dəq. oxuma
Bakıda bir evdə dəm qazından boğularaq ölən 5 nəfərdən 4-ü tələbədir.
Onlardan ikisi - Atilla və Lətif Əliyev qardaşları Azərbaycan Texniki Universitetinin tələbələridir. Şikar və İnkişaf Allahverdiyev qardaşları isə başqa bir ali təhsil müəssisəsində oxuyurmuş. Onlar həmin evdə kirayədə yaşayırmışlar. Onlarla birgə dəm qazından boğulan Natiq Səfərov isə həmin evdə usta işləyirmiş.
Qeyd edək ki, bu gün saat 14 radələrində Səbail rayonu ərazisində yerləşən evdə 5 nəfər şəxsin meyitinin aşkar olunması barədə Səbail rayon prokurorluğuna məlumat daxil olub.
Araşdırmalarla müəyyən olunub ki, 2004-cü il təvəllüdlü Atilla Əliyevin, 2003-cü il təvəllüdlü Lətif Əliyevin, 2000-ci il təvəllüdlü İnkişaf Allahverdiyevin, 1972-ci il təvəllüdlü Natiq Səfərovun və 1998-ci il təvəllüdlü Şikar Allahverdiyevin meyitləri Bakı şəhəri, Səbail rayonu, Badamdar qəsəbəsi, 1-ci yaşayış massivinin 1-ci döngə ev 29 ünvanında yerləşən fərdi yaşayış evində aşkar olunub.
İlkin ehtimala görə, hadisə dəm qazından zəhərlənmə səbəbindən baş verib.
Faktla bağlı Baş Prokurorluğun İstintaq idarəsində Cinayət Məcəlləsinin 314.3-cü (səhlənkarlıq, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.
İş üzrə məhkəmə-tibb, məhkəmə-texniki təhlükəsizlik ekspertizaları təyin olunub, şahidlər dindirilib və digər zəruri prosessual hərəkətlər yerinə yetirilib.
Hazırda cinayətin baş vermə səbəblərinin dəqiqləşdirilməsi və təqsirkar şəxslərin müəyyən edilməsi istiqamətində zəruri istintaq-əməliyyat tədbirləri davam etdirilir.
Oxşar xəbərlər
41 yaşlı qadın dəm qazından öldü
Son Xeberler
415
10/12 06:09
Bakıda yaşayan 20 yaşlı qız dəm qazından boğularaq...
Son Xeberler
346
25/01 07:22
18 yaşlı oğlan Bakıda faciəvi şəkildə öldü
Xəbər Anı
33
28/10 07:32
İkinci kurs tələbəsi də dəm qazından öldü
Xəbər Anı
39
01/11 11:34
Azərbaycanda ər-arvad dəm qazından zəhərləndi
Son Xeberler
478
30/11 12:32
Dəm qazından boğularaq ölən Səbirənin FOTOları
Son Xeberler
371
28/01 05:35