Sienna Miller 43 Yaşında Üçüncü Hamiləliyini Moda Mükafatlarında Elan Etdi

Hollivud ulduzu Sienna Miller 43 yaşında üçüncü uşağına hamilə olduğunu 2025-ci il Moda Mükafatlarının qırmızı xalısında bütün dünyaya açıqladı. Uzun müddətdir ictimaiyyətdən uzaq qalan aktrisanın niyə görə gözlərdən itməsinin əsas səbəbi də bu xəbərlə bəlli oldu.

Londonda Bazar ertəsi gecəsi keçirilən mükafatlandırma mərasiminə tamamən tül, ağ rəngli paltarla qatılan Miller, zərifliyi və verdiyi bu səs-küylü xəbərlə gecənin ən çox danışılan simalarından birinə çevrildi. Aktrisa bu dəfə aktyor sevgilisi Oli Qrin ilə ikinci uşaqlarını gözləyir. Cütlüyün 2024-cü ilin Yanvar ayında dünyaya gələn ilk qızlarından sonra yenidən valideyn olacaqları müjdəsi məhz qırmızı xalıdakı bu xüsusi anla elan edildi.

"Amerika Snayperi" filmi ilə tamaşaçıların yaddaşında qalan Millerin, keçmiş həyat yoldaşı Tom Sturricdən 2012-ci ildə Marlou adlı bir qızı da var. 28 yaşlı İngilis model və aktyor olan Oli Qrin isə daha çox 2025-ci ildə çəkilən "Bridget Jones: Mad About the Boy" filmindəki rolu sayəsində geniş kütlə tərəfindən tanınır.

Qeyd edək ki, Moda Mükafatları gecəsində sürpriz yaşadan yeganə ad Sienna Miller olmadı. Məşhur pop ulduzu Elli Quldinq də aktyor sevgilisi Beau Minniear ilə körpə gözlədiyini yenə həmin qırmızı xalı mərasimində açıqladı. Quldinq mərasimə qatılarkən qarnını göstərərək hamiləlik xəbərini ictimaiyyətə çatdırdı.