Microsoft və Google arasında Browser Müharibəsi

Microsoft ilə Google arasında gedən browser rəqabəti yeni bir mərhələyə keçib. Microsoft, Bing axtarış sistemində Chrome axtarışlarını hədəfə alaraq maraqlı bir addım atdı və istifadəçiləri Edge brauzerini seçməyə yönəltdi. Bu gizlətmə hərəkəti Googlun reaksiyasına səbəb oldu və iki texnologiya nəhəngi arasında gərginliyi yenidən artırdı.

Bəs Microsoft niyə belə bir qərar aldı? Microsoft Edge, Bing-də "Chrome" axtarışı zamanı Chrome yükləmə linklərini gizlətməyə başladı. Bunun üçün Chrome-un yükləmə linki "Daha çox göstər" düyməsinin altında gizlədilib, hətta bulanıqlıq effekti əlavə olunaraq tapılmasını çətinləşdirilib. Bundan əlavə, Edge brauzerinin reklam mesajı "Yeni brauzer yükləməyə ehtiyac yoxdur" şüarı ilə vurğulanır. Bu, əlbəttə ki, Microsoft-un istifadəçilərin başqa brauzerlər seçmə ehtimalını minimuma endirir.

Bu vəziyyət qarşısında susmayan Google, bu strategiyaya qarşı sərt reaksiya göstərdi. Bu ayın əvvəllərində Chrome-un vitse-prezidenti Parisa Tabriz sosial mediada Microsoft-u açıq şəkildə tənqid etdi. Tabriz, Microsoft-un istifadəçiləri çaşdırmaq üçün "aşağı səviyyəli" taktika tətbiq etdiyini iddia etdi.

Digər tərəfdən, Google da tamamilə "məsum" deyil. Əvvəllər Google-un rəqib brauzerlərdə (məsələn, Firefox) YouTube performansını bilərəkdən aşağı saldığına dair iddialar ortaya atılıb. Ona görə də deyə bilərik ki, Microsoft və Google arasında uzun müddət davam edən rəqabət daha da şiddətlənir. Əvvəllər Microsoft, Bing-də Google axtarışı aparıldıqda Google-a bənzər interfeys dizaynı təklif etmiş və reaksiyalardan sonra bu xüsusiyyəti geri götürmüşdü. Sizin fikrinizcə, Microsoft və Google arasındakı bu münaqişə istifadəçilərin seçimlərinə necə təsir edəcək?