ABŞ 2028-ci ildə altıncı nəsil qırıcı təyyarənin sınaqlarına başlayacaq

Amerika Birləşmiş Ştatları Hərbi Hava Qüvvələri üçün hazırlanan Next Generation Air Dominance (NGAD) proqramı çərçivəsində inkişaf etdirilən altıncı nəsil F-47 qırıcı təyyarəsinin sınaq tarixi açıqlanıb. Qırıcının ilk uçuş sınaqları 2028-ci ildə başlayacaq. Bu təyyarə gələcək hava döyüşlərində ABŞ-ın üstünlüyünü təmin etmək məqsədi daşıyan böyük bir hərbi layihənin parçasıdır.

Bu planlar barədə məlumatı "Boeing" şirkətinin Müdafiə, Kosmos və Təhlükəsizlik bölməsinin direktoru Stiv Parker açıqlayıb. Parker bildirib ki, F-47 qırıcı təyyarəsinin istehsalına artıq start verilib. Sınaqların başlanmasına hələ bir neçə il qalsa da, layihənin vaxt cədvəlinə uyğun irəliləməsi üçün hazırlıq işləri sürətlə aparılır. Erkən istehsal mərhələsinə başlamaq layihənin cədvəlinə uyğunluq deməkdir.

ABŞ Hərbi Hava Qüvvələri bu yeni nəsil qırıcı təyyarəyə böyük investisiya yatırır. Hava Qüvvələri əvvəllər bu tip qırıcılardan ən azı 185 ədəd almaq planlarını açıqlamışdı. Bu say, F-47-nin ABŞ hərbi aviasiyasının gələcək fəaliyyətində əsas rol oynayacağını göstərir.