ABŞ-də bu səbəbə görə FTB təhqiqatları dayandırılıb

ABŞ hökumətinin maliyyələşdirilməsinin dayandırılması (şatdaun) Federal Təhqiqatlar Bürosunun (FTB) fəaliyyətinə birbaşa təsir göstərib. Ölkə tarixində müddətinə görə ikinci ən uzun davam edən bu şatdaun səbəbindən FTB-nin əksər istintaqları ya dayandırılıb, ya da ləngidilib. Agentlərin işi ciddi şəkildə məhdudlaşıb, çünki maliyyə axını kəsilib.

Şatdaun fonunda FTB agentlərinin gündəlik əməliyyatları üçün ayrılan və ezamiyyətlər üçün nəzərdə tutulan vəsaitlər də dondurulub. Bu vəsaitlərin dondurulması qurumun mühüm işlərini aparmasını çətinləşdirir. Qeyd edək ki, bu maliyyə kəsintisi ABŞ tarixində sayca 22-ci şatdaun hadisəsidir. Eyni zamanda, bu, prezident Donald Trampın hakimiyyəti dövründə baş verən dördüncü belə haldır.

Hökumətin fəaliyyətinin dayandırılması oktyabrın 1-dən etibarən Senatın büdcə layihəsini razılaşdıra bilməməsi səbəbindən baş verib. Bu vəziyyət demokratlar və respublikaçılar arasında yaranan ixtilafdan qaynaqlanırdı. Onlar səhiyyənin maliyyələşdirilməsi məsələsində razılığa gələ bilmədilər. Nəticədə yaranan siyasi böhran FTB kimi vacib bir dövlət orqanının fəaliyyətini belə iflic vəziyyətinə gətirib.