ABŞ ordusu Sakit Okeanda narkotik kartelinə aid sualtı qayığı məhv edib

Amerika ordusu Sakit Okean sularında narkotik qaçaqmalçılığı üçün istifadə edilən daha bir sualtı qayığa zərbə endirib. Bu hədəf ABŞ ərazisinə narkotik daşımaq üçün istifadə edilirdi. CBS telekanalı mənbələrə istinadən yayılan məlumatlara görə, zərbə nəticəsində qayıq məhv edilib.

Məlumata görə, qayıqda iki və ya üç nəfərin olduğu ehtimal edilir. Onların öldüyü fərz edilir. Bu hadisə ABŞ Ordusunun narkotik ticarətinə qarşı mübarizə çərçivəsində məhv etdiyi səkkizinci sualtı qayıqdır. Əvvəlki zərbələr isə Karib dənizinin cənubu hissəsində həyata keçirilmişdi.

Vaşinqton Venesuela hakimiyyətini narkotik qaçaqmalçılığına qarşı lazımi səviyyədə mübarizə aparmamaqda ittiham edir. ABŞ Prezidenti Donald Tramp sentyabrın 23-də BMT Baş Assambleyasının 80-ci sessiyasında çıxış edib. O, ordunun Nikolas Maduronun rəhbərlik etdiyi Venesuela narkotik kartelləri ilə əlaqəli olduğuna inanılan qayıqlara qarşı hücumları davam etdirəcəyini bəyan edib.