ABŞ tarixinin ən uzun şatdaunu ləğv edilib

ABŞ tarixində indiyə qədər qeydə alınan ən uzun hökumət bağlanması (şatdaunu) nəhayət ki, sona yetdi. Bu bağlanma ölkə rəhbərliyi üçün böyük çətinliklər yaratmışdı.

Bu hadisə Konqresdə hökumətin maliyyələşməsi ilə bağlı qanun layihəsinin qəbul edilməsindən sonra baş verdi. Bir neçə gün əvvəl Senat, bu gün isə Nümayəndələr Palatası sənədi səs çoxluğu ilə təsdiqlədi. Qanun layihəsi təsdiqləndikdən sonra Prezident Donald Tramp tərəfindən imzalandı.

Qəbul edilən yeni layihə federal hökumətin yalnız yanvarın 30-na kimi maliyyə almasını nəzərdə tutur. Bu, razılaşmanın müvəqqəti xarakter daşıdığını göstərir. Oktyabrın 1-dən bu yana 43 gün davam edən bu hökumət bağlanması ABŞ tarixinə ən uzun şatdaun kimi düşüb.