Ağ Evin saytında yerli KİV-in "şərəf" lövhəsi yaradılıb

ABŞ prezidenti Donald Trampın administrasiyası Ağ Evin rəsmi saytında virtual "rüsvayçılıq" lövhəsi yaratdı. Bu yeni addım iddia edilən yalan xəbərlərə, yəni "feyk xəbərlərə" qarşı mübarizəni gücləndirmək məqsədi daşıyır.

Ağ Evin mətbuat katibi Kerolayn Livitt bu barədə bəyanat verərək lövhənin yaradılmasını təsdiqlədi. O qeyd etdi ki, həmin lövhədə həqiqətə uyğun olmayan xəbər materialları dərc etmiş və ya yayımlamış KİV-lərin adları qeyd olunub. Livitt bu təşəbbüsü "X" sosial media səhifəsində şərh etdi. O bildirdi ki, "Tramp administrasiyası feyk xəbərlərə görə indi həmişəkindən daha çox məsuliyyətə cəlb edir."

Bu lövhənin yaradılması Ağ Evin media orqanları ilə gərgin münasibətlərinin göstəricisidir. Administrasiya belə çıxış etməklə KİV-lərin fəaliyyətinə daha ciddi nəzarət etmək niyyətini nümayiş etdirir. Rüsvayçılıq lövhəsində məşhur KİV-lərin adları da yer alıb. Siyahıya salınanlar arasında "The Washington Post" qəzeti, "Axios" portalı və CNN telekanalı kimi Amerika cəmiyyətinə yaxşı tanış olan böyük media qurumları var. Bu addım Tramp administrasiyasının hansı xəbərlərin doğru, hansıların isə saxta olduğunu müəyyənləşdirmək səlahiyyətini öz üzərinə götürməsi deməkdir.