Aİ-nin sabiq ali nümayəndəsi Federika Moqerini sərbəst buraxılıb

03.12.2025 07:23 7 baxış sayı 2 dəq. oxuma APA

Avropa İttifaqının xarici siyasət və təhlükəsizlik məsələləri üzrə sabiq ali nümayəndəsi Federika Moqerini saxlanılmasından qısa müddət sonra sərbəst buraxılıb. O, dekabrın 2-si axşamı saxlanılmışdı və bu gün azadlığa buraxılıb. Bu məlumatı AGI agentliyi yayıb.

Federika Moqerini Belçika polisinin apardığı genişmiqyaslı araşdırma çərçivəsində Brüsseldə saxlanılmışdı. Araşdırma Avropa İttifaqı qurumlarında korrupsiya, mənimsəmə və digər şübhəli məqamlarla bağlı idi. Polis Aİ nəzdində fəaliyyət göstərən orqanlarda mənimsəmə və korrupsiya hallarını aydınlaşdırmağı qarşısına məqsəd qoymuşdu.

Bu təhqiqat çərçivəsində Belçika polisi bir sıra ərazilərdə axtarışlar həyata keçirib. Axtarışlar Aİ-nin diplomatik xidmət korpusuna, eləcə də Avropa Kollecinə və şəxsi evlərə şamil edilib. Qeyd edək ki, Moqerini 2020-ci ildən bəri Avropa Kollecinin rektoru kimi fəaliyyət göstərir. Onun saxlanılması və tezliklə sərbəst buraxılması Avropa İttifaqındakı korrupsiya iddialarına dair davam edən təhqiqatın bir hissəsidir.

Könül Məmmədova

İnsan hüquqları müxbiri

İnsan hüquqları və vətəndaş cəmiyyəti mövzularında ixtisaslaşmışam. Bu sahədə qeyri-hökumət təşkilatlarında da işləmişəm.

Bütün məqalələrə baxın