Almatıda Azərbaycan və Qazaxıstan müdafiə nazirləri görüşüb - VİDEO

Azərbaycan Respublikasının müdafiə naziri general-polkovnik Zakir Həsənov oktyabrın 31-də Qazaxıstanda işgüzar səfərdə olub. Səfər çərçivəsində o, bu ölkənin müdafiə naziri general-leytenant Dauren Kosanov ilə görüşüb. Görüşdə Azərbaycan ilə Qazaxıstan arasında əlaqələrin dostluq və qardaşlıq münasibətləri üzərində qurulduğu vurğulanıb. Tərəflər hərbi, hərbi-texniki, hərbi təhsil və digər sahələrdə əməkdaşlığın hazırkı vəziyyətini müzakirə etdilər.

Nazirlər hər iki ölkə arasında hərbi əlaqələrin yeni perspektivlərini geniş şəkildə müzakirə etdilər. Eyni zamanda, qarşılıqlı maraq doğuran bir sıra başqa məsələlərə dair ətraflı fikir mübadiləsi aparıldı. Tərəflər, xüsusilə hərbi təhsil sahəsində birgə fəaliyyətlərin artırılmasının əhəmiyyətini qeyd etdilər.

Görüşün sonunda Qazaxıstanın müdafiə naziri general-polkovnik Z. Həsənova “Beynəlxalq əməkdaşlığın inkişafına töhfəyə görə” medalını təqdim etdi. Daha sonra Qazaxıstan və Azərbaycan respublikaları Müdafiə nazirlikləri 2026-cı il üçün hərbi əməkdaşlıq planını imzaladılar. Bu plan iki ölkənin müdafiə strukturları arasında gələcək fəaliyyət istiqamətlərini müəyyən edir.