Amerikalı şahmatçı 30 yaşında vəfat edib

Amerikalı qrossmeyster Daniel Naroditski 30 yaşında qəfil vəfat edib. Bu kədərli xəbəri Beynəlxalq Şahmat Federasiyasının (FIDE) mətbuat xidməti açıqlayıb.

Federasiyanın bəyanatında Naroditskinin sadəcə istedadlı bir şahmatçı deyil, həm də bacarıqlı şərhçi və müəllim olduğu vurğulanır. FIDE Daniel Naroditskinin ailəsinə və dostlarına dərin hüznlə başsağlığı verdiyini bildirib. Hazırda bu gənc idmançının ölümünün səbəbi barədə heç bir rəsmi məlumat yoxdur.

Naroditski ABŞ şahmatında mühüm yer tuturdu. O, 2015-ci il dünya çempionatının komanda yarışında Birləşmiş Ştatları təmsil edib. 2019-cu ildə ölkəsində baş tutan Masters çempionatında birinci yeri tutmaqla böyük uğur qazanmışdı. Onun karyerasında gənclik illərində qazandığı titullar da az deyildi.

Onun ən erkən və ən böyük nailiyyətlərindən biri 2007-ci ildə 12 yaşadək yeniyetmələr arasında qazandığı dünya çempionluğudur. Bundan başqa, Daniel Naroditski 2013-cü ildə gənclər arasında ABŞ birincisi olmuşdu. 30 yaşında həyatını itirən Daniel Naroditski qısa, lakin parlaq karyerası ilə şahmat dünyasında xatırlanacaq.