Azərbaycan Basketbol Liqasında VI turun daha bir matçı keçirilib

Azərbaycan Basketbol Liqasında (ABL) VI turun daha bir matçı keçirilib. Bu turun son oyun günündə Şəki Olimpiya İdman Kompleksi "Şəki" və "Abşeron" komandaları arasındakı qarşılaşmaya ev sahibliyi edib. Oyunun sonunda qonaqlar böyük fərqlə qələbə qazanmağı bacarıblar. "Abşeron" basketbolçuları meydana çıxdıqları Şəki səfərindən 104:79 hesablı üstünlüklə ayrılıblar.

Qeyd edək ki, ABL-də VI tur çərçivəsində "Şəki" və "Abşeron" görüşündən əvvəl başqa qarşılaşmalar da baş tutmuşdu. "Sumqayıt" "Lənkəran"ı 98:94 hesabı ilə üstələyib. Digər oyunlarda isə "Sərhədçi" "Quba"nı 86:82, "Ordu" "Naxçıvan"ı 100:76 hesabı ilə məğlub edib. "Gəncə" komandası da bu turda NTD üzərində 90:78 hesabı ilə qələbə qazanıb.