Azərbaycan millisinin baş məşqçisi: "Xarakter göstərən komandamıza təşəkkür edirəm"

Qadın futbolçulardan ibarət Azərbaycan milli komandasının baş məşqçisi Siyasət Əsgərov Qazaxıstanla keçirilən yoxlama oyunundan sonra fikirlərini bölüşdü. O, 2:1 hesabı ilə qazanılan qələbədə xarakter göstərən yığma üzvlərinə təşəkkür etdi. Mütəxəssis komandanın oktyabrın 20-dən bəri Qazaxıstanda təlim-məşq toplanışında olduğunu bildirib.

Əsgərov rəqibi təhlil etdiklərini və Qazaxıstanın qadın futbolunun son illərdə yüksəlişdə olduğunu, onların güclü oyunçulara sahib olduğunu gördüklərini qeyd etdi. Baş məşqçi matçı iki hissəyə ayırdı. O bildirdi ki, birinci hissədə komanda çox yaxşı çıxış etdi, hesabı açdı və fasiləyə qədər ən azı daha bir qol vurmaq şansı qazana bilərdi. Qazaxıstan yığmasının da təhlükəli hücumları olsa da, müdafiədə çox diqqətli oynadıq.

İkinci hissədə vəziyyət dəyişdi. Rəqib oyun planını dəyişdi və əsasən uzun ötürmələrlə hücum qurmağa çalışdı. Bu, bizim komandaya müəyyən çətinliklər yaratdı. Hətta buraxılan qol da standart vəziyyət zamanı öz səhvimizdən oldu. Buna baxmayaraq, millimiz nəticədə qələbə qazandı. Baş məşqçi görüşün əvvəlindən sonuna qədər qalib gəlmək üçün əlindən gələni edən və komanda xarakteri göstərən bütün futbolçulara minnətdarlığını bildirdi. Azərbaycan millisi Qazaxıstan yığması ilə ikinci yoldaşlıq görüşünü oktyabrın 27-də keçirəcək.