Azərbaycan türk dövlətləri ilə media və kommunikasiya sahəsində tərəfdaşlıqda maraqlıdır - Rasim Bağırov

Türk Dövlətləri Təşkilatı (TDT) Azərbaycanın ən sıx əməkdaşlıq etdiyi strukturlardan biridir, bəlkə də birincisidir. Rəsmi Bakı Türk dövlətləri ilə media və kommunikasiya sahəsində tərəfdaşlıq etməkdə ciddi maraq göstərir. Bu barədə Medianın İnkişafı Agentliyinin (MEDİA) Beynəlxalq əlaqələr və sənədlərlə iş departamentinin direktoru Rasim Bağırov TDT-nin Media və informasiya üzrə işçi qrupunun 12-ci iclasında danışıb.

Rasim Bağırov belə tədbirlərin təşkilinin həm Təşkilat, həm də onun üzvü olan dövlətlər üçün çox vacib olduğunu vurğulayıb. Üzv ölkələr bu kimi görüşlərdə iştirak etməyə həvəslidirlər. Bu toplantılar birgə fəaliyyət üçün əlverişli şərait yaradır.

O bildirib ki, Azərbaycan bu sahədə fəal iştirak etməyə daim hazırdır. Ölkəmiz xüsusilə də mediada, Türk dövlətlərinin həyata keçirdiyi layihələrdə yer almağa maraqlıdır. Bu cəhdlər regionda informasiya mübadiləsini gücləndirmək məqsədi daşıyır və TDT çərçivəsində əlaqələrin dərinləşməsinə xidmət edir.