Azərbaycanın icmal büdcəsində 7 milyard manata yaxın profisit yaranıb

Bu ilin yanvar-sentyabr aylarında Azərbaycanın icmal büdcəsinin gəlir və xərc göstəriciləri açıqlanıb. Maliyyə Nazirliyinə istinadən verilən xəbərə görə, gəlirlər 35 milyard 865,7 milyon manat təşkil edib. Xərclər isə bu müddətdə 29 milyard 027,6 milyon manat olub.

Nəticədə, ölkənin icmal büdcəsində 6 milyard 838,1 milyon manat profisit qeydə alınıb. Bu göstərici əvvəlki illə müqayisə edildikdə, profisit 21,1 % azalıb.

Eyni zamanda, gəlir və xərc maddələrində də dəyişikliklər müşahidə olunub. Hesabat dövründə gəlirlər, 2024-cü ilin eyni dövrü ilə müqayisədə 3,4 % azalıb. Əksinə, xərclər isə 2 % çox olub. Bu azalmalar və artımlar yekun büdcə profisitinin bir il əvvələ nisbətən daha aşağı olmasına səbəb olub.