Bakı-Qəbələ-Bakı marşrutu üzrə əlavə reyslər təyin ediləcək

8 noyabr – Zəfər Günündən etibarən Bakı-Qəbələ-Bakı marşrutu üzrə əlavə qatar reysləri təyin edilib. Azərbaycan Dəmir Yolları (ADY) bu addımı sərnişin tələbatını tam təmin etmək məqsədilə atıb. Təyin edilən xüsusi reyslər hər iki istiqamətə - həm Bakıdan Qəbələyə, həm də Qəbələdən Bakıya təşkil olunacaq. Əlavə reyslər 8, 9, 10 və 11 noyabr tarixlərində fəaliyyət göstərəcək.

ADY, 8 noyabrdan başlayaraq həftəsonları bu maşrutla səfərlərin ənənəvi qrafik üzrə davam edəcəyini də bildirib. Ənənəvi reyslər müasir ikimərtəbəli qatarlarla həyata keçiriləcək. Bu qatarlar Zəfər Günü ilə əlaqədar yaranan tələbatın öhdəsindən gəlməyə kömək edir, eyni zamanda sərnişinlərə daha rahat səyahət imkanı yaradır.