Bakıda 4 nəfəri cərəyan vuraraq öldürüb - YENİLƏNİB

21.11.2025 10:33 8 baxış sayı 2 dəq. oxuma APA

Baş Prokurorluq Bakının Binəqədi rayonunda dörd nəfərin elektrik cərəyanı vurması nəticəsində ölməsi faktını təsdiqləyib. Bu faciə noyabrın 21-də Xırdalan-Binəqədi şosesinin 4-cü kilometrliyində yerləşən "Lake Hotel" yaxınlığında baş verib.

Həyatını itirənlər otelin işçiləri idi. Binəqədi rayon prokurorluğu bu faktla bağlı cinayət işi açıb. Hadisə yerinə dərhal hüquq-mühafizə orqanlarının əməkdaşları cəlb olunub, araşdırmalar başlayıb. Ölənlərin hamsının gənc olduğu bildirilir.

Həyatını itirən şəxslər 1997-ci il təvəllüdlü Cavidan Muradlı, 2005-ci il təvəllüdlü Emil Quliyev, 2006-cı il təvəllüdlü Eltac Əliyev və 2007-ci il təvəllüdlü Əkbər Zeynalovdur. Onlar otelin qarşısında işləyərkən elektrik cərəyanı vurub. Cinayət işi Azərbaycan Respublikası Cinayət Məcəlləsinin 162.3-cü maddəsi ilə başlanılıb. Bu maddə əmək mühafizəsi qaydalarının pozulması ehtiyatsızlıqdan iki və daha çox şəxsin ölümünə səbəb olduqda tətbiq edilir. İstintaq davam edir.

Aysel Şərifova

Kibertəhlükəsizlik analitiki

Kibertəhlükəsizlik mövzusunda yazıram. Bəzən mürəkkəb texniki məsələləri sadə dillə izah etmək çətin olur, amma bu da peşənin bir hissəsi.

Bütün məqalələrə baxın