Britaniya Çinin biodizel yanacağına antidempinq rüsumları tətbiq edib

Böyük Britaniya hökuməti Çindən gətirilən bioloji dizel yanacağına antidempinq rüsumları tətbiq etdi. Bu addım Britaniya tənzimləyicisi yerli istehsalçılara ziyan vuran ədalətsiz ticarət təcrübələrini aşkar etdikdən sonra atıldı.

Qərarla bağlı təfərrüatlar Birləşmiş Krallığın Biznes və Ticarət Nazirliyinin bəyanatında qeyd olunub. Rüsumlar ixracatçılar üçün fərqli səviyyədə müəyyən edilib. Çin şirkəti “Zhuoyue Group” və onunla əməkdaşlıq edən ixracatçılar üçün tətbiq edilən rüsum 14,79% təşkil edir. Digər bütün tərəflər üçün isə bu göstərici əhəmiyyətli dərəcədə daha yüksəkdir, 54,64% səviyyəsində müəyyənləşib.

Tənzimləyici bu qərarı xüsusilə “Argent Energy” və “Olleco” kimi yerli şirkətlərə dəyən zərərin qarşısını almaq məqsədilə qəbul etdi. Britaniya tənzimləyicisi yerli istehsalçıları qorumaq üçün hərəkətə keçdi. Bu müdafiə tədbiri beş il müddətində qüvvədə qalacaq.