Danimarka 15 yaşdan kiçik uşaqların sosial mediadan istifadəsini qadağan etməyi planlaşdırır

Danimarka hökuməti 15 yaşdan kiçik uşaqların sosial mediadan istifadəsini qadağan etmək planlarını açıqlayıb. Bu təklif, baş nazir Mette Frederiksenin uşaqların əqli sağlamlığı ilə bağlı narahatlıqlar səbəbindən məhdudiyyətlər tətbiq edilməsi çağırışından sonra gündəmə gəlib. Hökumət bu platformaların uşaqların inkişafına mənfi təsir göstərdiyini iddia edir.

Rəqəmsal texnologiyalar naziri Karolin Steyj Olsen məsələ ilə bağlı kəskin fikir bildirib. O qeyd edib ki, "Sosial media uşaqlarımızın vaxtını, uşaqlığını və rifahını oğurlamaqla inkişaf edir və biz buna indi son qoyacağıq". Nazirin sözlərinə görə, bu yeni qadağa ölkənin uşaqların rəqəmsal mühitdə qorunması siyasətində ciddi dəyişiklik deməkdir.

Planlanan qadağanın bəzi istisnaları olacaq. Hökumət valideynlərin 13 yaşdan kiçik uşaqların müəyyən platformalara daxil olmasına icazə verə biləcəyini açıqlayıb. Danimarka hökumətinin məlumatına görə, gənclər arasında ən populyar sosial şəbəkələr isə "Snapchat", "YouTube", "Instagram" və "TikTok"dur. Məhz bu platformaların istifadəsinin məhdudlaşdırılması ilə uşaqların rifahının qorunması hədəflənir.