Donald Tramp "Binance"in keçmiş rəhbərini əfv edib

ABŞ prezidenti Donald Tramp "Binance" kriptovalyuta birjasının keçmiş baş direktoru Çanqpen Çjaonu əfv etmək barədə fərman imzalayıb. Bu hadisə barədə məlumatı "The Wall Street Journal" qəzeti yayıb. Prezidentin əfv fərmanı oktyabrın 22-də imzalanıb.

Ağ Evin mətbuat katibi Kerolayn Livitt bildirib ki, Tramp bu addımı atarkən öz konstitusiya səlahiyyətlərini həyata keçirib. Livitt qeyd edib ki, Çanqpen Çjao Bayden administrasiyası tərəfindən "kriptovalyuta ilə müharibə" çərçivəsində mühakimə olunmuşdu.

K. Livitt bu əfvlə bağlı fikirlərini yekunlaşdırarkən Bayden administrasiyasının kriptovalyuta siyasətinə də toxunub. O, "Bayden administrasiyasının kriptovalyutalarla mübarizəsi başa çatıb," deyə qeyd edib.