Dövlət Yanğın Nəzarəti Xidməti nə zaman evlərə baxış keçirə bilər? - AÇIQLAMA

Azərbaycan Respublikasının qanunvericiliyində, o cümlədən Mülki Məcəllədə mənzil toxunulmazlığı anlayışı mövcuddur. Mənzilin mülkiyyət hüququ vətəndaşa məxsus olduğu üçün, ora daxil olmaq hər hansı halda baş tutan fəaliyyət sayılmır.

Dövlət Yanğın Nəzarəti Xidmətinin rəis müavini, daxili xidmət polkovniki Cəmil Xudiyev bu barədə açıqlama verib. O qeyd edib ki, Fövqəladə Hallar Nazirliyinin (FHN) rəsmisi olaraq, qanunvericiliyin bu sahədəki tələblərini bildirmək lazımdır.

FHN rəsmisi vurğulayıb ki, "Mənzil məcəlləsi"ndə də göstərildiyi kimi, həmin mənzildə yanğınla və ya hər hansı təhlükəsizlik məsələləri ilə bağlı məlumat olarsa, yalnız o zaman səlahiyyət dairəsi uyğun olan orqan həmin obyektə baxış keçirə bilər.

Mənzillərə və fərdi yaşayış obyektlərinə baxışlar yalnız müəyyən bir mexanizm əsasında həyata keçirilir. Bu baxışlar Fövqəladə Hallar Nazirliyinin "112" qaynar xəttinə daxil olan şikayətlərə və müraciətlərə əsaslanaraq həyata keçirilir. Başqa sözlə, yoxlamaların aparılması üçün ilkin olaraq yanğın təhlükəsizliyi ilə bağlı şübhə və ya şikayət olmalıdır.