Estoniya Azərbaycanda "yaşıl layihə"lərə maraq göstərir (Özəl)

Estoniya Azərbaycanda rəqəmsal transformasiya və “yaşıl layihə”lərlə yaxından maraqlanır. Bu açıqlamanı Estoniyanın Azərbaycandakı səfiri Veyno Reynart Bakıda keçirilən Mərkəzi Baltik – Azərbaycan biznes forumunda verib.

Səfirin sözlərinə görə, foruma qatılan Estoniya şirkətlərinin çoxu Azərbaycanlı tərəfdaşlarla işləməyə can atır. Onlar xüsusilə rəqəmsal transformasiya və "yaşıl texnologiya"lar sahəsinə böyük maraq göstərirlər. Reynart bildirib ki, bəzi şirkətlər artıq Azərbaycanda rəqəmsal xidmətlər sektorunda fəal işləyirlər. Bura Estoniya texnologiyalarına əsaslanan rəqəmsal identifikasiya sistemləri də daxildir.

Estoniya regional nəqliyyat dəhlizlərinin inkişafını da dəstəkləyir. Səfir ölkəsinin Şərq-Qərb arasında, xüsusən də Azərbaycan üzərindən keçən Orta Dəhlizin inkişafına dəstək verdiyini söyləyib. Veyno Reynart vurğulayıb ki, Estoniya rəqəmsallaşma və yeni texnologiyaların tətbiqi üzrə birgə layihələrdə iştirak etməyə hazırdır.

O, əlavə edib ki, bu layihələrin konkret icra müddətləri biznesin öhdəsinə buraxılır. Bu, hökumətlər səviyyəsində marağın yüksək olduğunu göstərir, lakin layihələrin necə və nə vaxt icra ediləcəyinə dair qərarın sahibkarlar tərəfindən veriləcəyi bildirilir.