Gələn il lisey və gimzasiyalara qəbul imtahanları elektron şəkildə keçirilə bilər

Təhsil İnstitutunun rəsmisi bildirib ki, lisey və gimnaziyalara qəbul imtahanlarını elektronlaşdırmaq əsas hədəflərdən biridir. İnstitutun direktor müavini Fuad Qarayev bu barədə Təhsil TV-nin canlı yayımında danışıb.

Qarayev bu dəyişikliklə bağlı hazırlıqların getdiyini qeyd edib. O bildirib ki, elektron keçidə paralel olaraq, lisey və gimnaziyalara qəbul sualları təkmilləşdiriləcək. Bu addım imtahanların məzmun və keyfiyyətini yüksəltməyə xidmət edir.

Direktor müavininin sözlərinə görə, əgər lazımi infrastrukturu qura bilsək, bu plan növbəti ildən tətbiq edilə bilər. O, növbəti il lizey və gimnaziyalara qəbul imtahanının elektron qaydada, yəni komputerlər vasitəsi ilə keçirilə biləcəyini əlavə edib. Bu, qəbul prosesinin müasirləşdirilməsi istiqamətində atılan mühüm addımdır.