Hikmət Hacıyev: Azərbaycan Cənubi Qafqazda yeni reallıqlar yaradır

Azərbaycan Prezidentinin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev, Bakı və İrəvan arasında sülh sazişinin paraflanması məsələsinə toxunub. O, bu razılaşmanın Cənubi Qafqaz regionunda fundamental dəyişikliklərə səbəb olduğunu bildirib. Bu proses regionda legitimliyin, qanuniliyin və beynəlxalq hüququn üstünlüyünün təminatını verir.

Hikmət Hacıyev bəyanatı Dohada keçirilən beynəlxalq forumda verib. Onun sözlərinə görə, sülh sazişinin ilkin razılaşması regionda normal və hüquqi münasibətlərin bərqərar olmasına imkan yaradır. Bu addım Cənubi Qafqazın siyasi peyzajında Azərbaycanın yaratdığı yeni reallıqları beynəlxalq səviyyədə təsdiqləyir.

Azərbaycan rəsmisi vurğulayıb ki, sülh sazişi prosesi beynəlxalq hüquq normalarına əsaslanan sabitlik mühitinin formalaşması üçün əsas şərt sayılır. Bakı və İrəvan arasında münasibətlərin normallaşması regional sabitlik baxımından əhəmimiyyət daşıyır. Bu sazişin paraflanması ilə Azərbaycan beynəlxalq hüququn üstünlüyünü təmin edərək, regionda mövcud olan qanunsuzluqlara son qoyur.