İordaniya Azərbaycanla birgə biznes-forumun təşkil olunmasını təklif edir

İordaniya Əmmanda Azərbaycanla birgə biznes-forumun təşkil olunmasını təklif edir. Bu təklif İordaniyanın Sənaye, Ticarət və Logistika naziri Yarub Əl-Kuda tərəfindən səsləndirilib. Nazir bu barədə İordaniya və Azərbaycan arasında ticarət, iqtisadi və texniki əməkdaşlq üzrə Birgə Hökumətlərarası Komissiyanın 4-cü iclasında çıxışı zamanı məlumat verib.

Yarub Əl-Kuda qeyd edib ki, Komissiyanın iclasları adətən hər yeddi ildən bir keçirilir. Nazir bildirib ki, tərəflər bu prosesi sürətləndirmək barədə razılığa gəliblər. O, yaxın zamanda Azərbaycan maliyyə naziri və hörmətli həmkarları qəbul etməkdən məmnun olacaqlarını söyləyib.

Fikirlərdən biri ondan ibarətdir ki, növbəti birgə komissiya iclası Əmmanda keçirilsin. Ölkələrin biznes dairələri arasında əlaqələrin qurulması üçün paralel olaraq biznes-forum təşkil edilməsi planlaşdırılır. Nazir vurğulayıb ki, Cənubi Qafqaz və Yaxın Şərq regionunda həqiqətən böyük perspektivlər var.