İsrail Cənubi Livanda "Hizbullah"ın obyektlərinə silsilə zərbələr endirib

İsrail Müdafiə Qüvvələri (IDF) Cənubi Livanın fərqli rayonlarında "Hizbullah"a məxsus obyektlərə silsilə zərbələr endirdiyini təsdiqləyib. Bu əməliyyat Livan ərazisində fəaliyyət göstərən terror qruplaşmasının infrastrukturuna qarşı həyata keçirilib. İsrail ordusu zərbələr barədə rəsmi bəyanat yayıb.

Verilən məlumata görə, bu hücumlar birbaşa "Hizbullah"a aid olan hərbi obyektləri hədəf alıb. Zərbələr nəticəsində qruplaşmaya məxsus raket qurğuları, silah anbarları və digər hərbi məntəqələr vurulub.

IDF bildirir ki, bu ərazilərdə "Hizbullah"ın fəaliyyətinin və infrastrukturunun mövcudluğu İsraillə Livan arasında əvvəlcədən əldə olunmuş razılaşmaların ciddi şəkildə pozulması deməkdir. Bu əməliyyatlar regionda mövcud gərginliyin yüksək olduğu bir dövrdə baş verib.