Nazir: Azərbaycanda gənclərlə bağlı uğurlu siyasət həyata keçirilir

Azərbaycan dövləti gənclərin inkişafı məsələlərini hər zaman diqqətdə saxlayır. Ölkədə gənclərlə bağlı uğurlu siyasət həyata keçirilir. Bu fikirləri Gənclər və İdman Naziri Fərid Qayıbov bildirib.

Nazir bu bəyanatı Bakıda təşkil edilən "D-8" Gənclər Dialoqunun açılışında səsləndirib. Fərid Qayıbovun sözlərinə görə, təşkil edilən fərqli beynəlxalq forumlar və reallaşan əməkdaşlıqlar bu siyasətin inkişafına müsbət təsir göstərir.

Gənclərin aktivliyi və enerjisi nazirliyi onlara daim dəstək verməyə sövq edir. Həm yerli, həm də beynəlxalq tədbirlərdə gənclərin, eləcə də könüllülərin fəal iştirakı olduqca müsbət bir dinamika yaradır. Bu fəallıq gənclər siyasətinin effektivliyini göstərir və inkişafa xeyir verir.