"Neftçi"nin oyununa giriş pulsuz olacaq

Azərbaycan Kubokunun II təsnifat mərhələsi çərçivəsində keçiriləcək "Neftçi" – MOİK matçına azarkeşlərin girişi pulsuz elan edilib.

Bu barədə "ağ-qaralar" klubunun mətbuat xidməti rəsmi məlumat yayıb. Baxmayaraq ki, giriş ödənişsizdir, azarkeşlər biletləri əldə etmək üçün müəyyən prosedurlara əməl etməlidirlər. Pulsuz biletləri yalnız "Neftçi"nin mobil tətbiqindən və ya klubun rəsmi saytından onlayn şəkildə almaq mümkündür.

Klubun qərarına görə, stadionun kassasında bu matç üçün bilet satışı həyata keçirilməyəcək. Azarkeşlər onlayn platformaya daxil olaraq qeydiyyatdan keçməlidirlər. Hər qeydiyyat üçün bir nəfər bütün sektorlara ("Forza" və VIP sektorlar istisna olmaqla) bir ədəd bilet götürə bilər.

Qeyd edək ki, "Neftçi" və MOİK arasında olan bu qarşılaşma oktyabrın 29-da, saat 19:00-da "Palms Sports Arena"da keçiriləcək.