Niderlandda parlamentin aşağı palatasına növbədənkənar seçkilər keçiriləcək

Niderland Krallığında bu gün Baş Ştatların İkinci Palatasına, yəni parlamentin aşağı palatasına növbədənkənar seçkilər başlayır. Krallığın Konstitusiyasına əsasən, bu səsvermə prosesi cəmi bir gün ərzində yekunlaşmalıdır.

Ölkə daxilində səsvermə üçün 9 mindən çox seçki məntəqəsi hazırlanıb. Məntəqələr yerli vaxtla səhər 07:30-da (Bakı vaxtı ilə 10:30) seçicilər üçün açıldı. Səsvermə yerli vaxtla saat 21:00-a (Bakı vaxtı ilə 00:00) qədər davam edəcək. Bu seçkilərdə iştirak etmək üçün 135 min vətəndaş qeydiyyatdan keçib. Bu göstərici rekord sayılır, çünki qeydiyyatdan keçənlərin sayı 2023-cü ildəki parlament seçkilərindən dörddə bir qədər çoxdur.

Səsvermə başa çatdıqdan sonra səslərin hesablanması prosesi başlayacaq. İlkin nəticələrin çərşənbə gününün sonuna qədər yekunlaşdırılması planlaşdırılır. Seçkilərin rəsmi nəticələri isə çərşənbə günündən sonrakı gün açıqlanacaq.