Prezident İlham Əliyev: Qazaxıstan inkişaf və modernləşmə yolu ilə inamla irəliləyir

Azərbaycan Prezidenti İlham Əliyev Qazaxıstan Prezidenti Kasım-Jomart Tokayev ilə mətbuata bəyanatında Qazaxıstanın hazırkı inkişaf tempini yüksək qiymətləndirib. Prezident Əliyev bildirib ki, Qazaxıstan inkişaf və modernləşmə yolu ilə inamla irəliləyir.

Dövlət başçısı bu irəliləyişin Prezident Tokayevin son illərdə həyata keçirdiyi islahatların və modernləşmə kursunun nəticəsi olduğunu qeyd edib. O vurğulayıb ki, modernləşmə kursu Qazaxıstanın inkişaf etdiyini açıq şəkildə nümayiş etdirir. Bu islahatlara misal olaraq, müasir texnologiyaların, o cümlədən süni intellektin inkişafı göstərilir.

Prezident İlham Əliyev, bütün bu daxili islahatlar və tətbiq edilən modernləşmə sayəsində Qazaxıstanın beynəlxalq səviyyədəki mövqeyinin də gücləndiyini deyib. O əlavə edib ki, Qazaxıstanın beynəlxalq nüfuzu da möhkəmlənir.