"Regional" BOKT-un istiqrazlarına 54 investor maraq göstərib

Bu gün "Bakı Fond Birjası" QSC-də (BFB) "Regional" MMC bank olmayan kredit təşkilatının (BOKT) istiqrazlarının yerləşdirilməsi hərracı baş tutdu. Söhbət 1 milyon manat dəyərində faizli, təmin edilməmiş, sənədsiz, adlı istiqrazlardan gedir. Bu maliyyə alətləri BFB-də birqiymətli hərrac üsulu ilə yerləşdirilib. Ümumilikdə nominal dəyəri 100 manat olan 10 000 ədəd istiqraz satışa çıxarılmışdı.

İnvestor marağı yüksək idi. Məlumatlara görə, istiqrazlara 54 investor tərəfindən sifariş verildi. Həmin 54 sifarişin ümumi dəyəri 1 milyon manat idi. Bu tələbat nəticəsində istiqrazların yerləşdirilməsi tam şəkildə həyata keçirildi. Hərracın uğurla başa çatması "Regional" BOKT-un qiymətli kağızlarına olan etibarı göstərir.

Bu qiymətli kağızlar 2 il müddətində tədavüldə qalacaq. Onların illik gəlirliliyi 16 % təşkil edir, faiz ödənişləri isə aylıq formada ediləcək. Prosesin anderrayteri rolunda "Xalq Kapital İnvestisiya Şirikəti" QSC çıxış edir. Emitent, yəni "Regional" BOKT, tədavül müddəti ərzində bu qiymətli kağızları nominal dəyərindən aşağı olmayan qiymətə geri almaq öhdəliyini götürür.