Rusiyanın Kiyevə hücumu nəticəsində bir neçə nəfər yaralanıb

Rusiya ordusunun Kiyevə endirdiyi kütləvi hava hücumu nəticəsində azı 4 nəfər yaralanıb. Ukrayna Fövqəladə Hallar üzrə Dövlət Xidməti bu barədə məlumat yayıb. Hücum nəticəsində mülki infrastruktura və yaşayış binalarına ciddi ziyan dəyib, şəhərin fərqli rayonlarında dağıntılar meydana gəlib.

Məlumata görə, hadisələrdən zərər çəkən 9 nəfər xilas edilib. Zərbələr nəticəsində ən böyük dağıntılardan biri Peçerski rayonunda, 22 mərtəbəli yaşayış binasında qeydə alınıb. Təcili xilasetmə işləri zamanı xilasedicilər binanın 5-ci mərtəbəsində baş verən yanğını söndürə bildilər. Bu əməliyyatda bir nəfər xilas edildi. Hazırda ziyan dəymiş ərazidə dağıntıların təmizlənməsi işləri davam edir.

Hücum nəticəsində Dneprovsk rayonunda da böyük ziyan qeydə alınıb. Burada doqquzmərtəbəli yaşayış binasına zərbə dəyib. Nəticədə binanın 6-cı və 7-ci mərtəbələrində yanğın başlayıb. Bu rayonda aparılan xilasetmə işləri müvəffəqiyyətlə başa çatıb və ümumilikdə 8 nəfər xilas edilib. Hava hücumu bir daha mülki hədəflərə yönəldilmişdi.