Samir Şərifov: Ağdamda Aqrar şəhərciyin yaradılması ilə əlaqədar hökumətlərə tapşırıqlar verilib

Baş nazirin müavini Samir Şərifov Ağdam rayonunda Aqrar şəhərciyin yaradılması məqsədilə hökumətlərə müvafiq tapşırıqlar verildiyini bildirib. Şərifov bu açıqlamanı Belarus Baş nazirinin müavini Natalya Petkeviçlə birlikdə Ağdama etdiyi səfər zamanı verib.

O qeyd edib ki, verilən tapşırıqlar əsasında həm iki ölkə arasında komissiya çərçivəsində, həm də Qarabağa səfər zamanı yerində geniş müzakirələr aparılıb. Görülən işlərin icra vəziyyəti ilə tanış olunduqdan sonra prosesin başladığı təsdiqlənib. Şərifovun sözlərinə görə, layihənin icra prosesi artıq sürət alıb. Hazırda Belarus tərəfindən Ağdam rayonunun Qızıl Kəngərli kəndində layihələndirmə işləri aparılır.

Həmin ərazidə quşçuluq təsərrüfatı, eyni zamanda ət və süd istehsalı müəssisələrinin qurulması planlaşdırılır. Prezidentin xüsusi tapşırığına əsasən, Azərbaycan qış ətinin istehsalı üzrə özünü tam təmin etməlidir. Layihələndirmə işlərinin əsas hissəsi Belarus tərəfindən həyata keçiriləcək. Lakin quşçuluq, ət və süd istehsalı müəssisələrinin qurulmasına yönəldilən investisiya qoyuluşu Azərbaycan tərəfindən təmin olunacaq. Bu, Aqrar şəhərciyin inkişafı istiqamətində atılan mühüm addımdır.