Səudiyyə Ərəbistanı Krallığının vəliəhdi ABŞ-yə səfər edəcək

ABŞ Administrasiyası Səudiyyə Ərəbistanı Krallığının vəliəhdi və Baş naziri Məhəmməd bin Salman bin Əbdüləziz Al Səudun Ağ Evə gəlişinə hazırlaşır. Bu yüksək səviyyəli dövlət səfəri noyabrın 17-19-na planlaşdırılıb. Vaşinqton və Ər-Riyad arasında əlaqələrin gücləndirilməsi görüşlərin əsas mövzusu olacaq. ABŞ Administrasiyası ərəb ölkəsi ilə əməkdaşlığa böyük diqqət yetirir.

Hazırda səfər zamanı imzalanacaq sazişlər paketinin hazırlanması üzərində iş gedir. Prezident Donald Tramp və vəliəhd şahzadənin müzakirələr nəticəsində təsdiqləyə biləcəyi müxtəlif sənədlər hazırlanır. Bu sazişlər iki ölkə arasındakı strateji münasibətləri müəyyən edəcək və uzunmüddətli əməkdaşlıq perspektivlərini ortaya qoyacaq.

Məhəmməd bin Salmanın ABŞ-a gəlişi ölkələrarası iqtisadi və siyasi əlaqələrin gələcəyi baxımından mühüm hadisə sayılır. Tərəflər üçün faydalı qərarların qəbul edilməsi görüşlərin əsas hədəfidir. Bu səfər beynəlxalq siyasətdə ABŞ-Səudiyyə Ərəbistanı oxunun mövqeyini bir daha təsdiqləyəcək.