Səudiyyə Ərəbistanı və ABŞ 30 milyard dollarlıq anlaşmalar imzalamağa hazırlaşır

Səudiyyə Ərəbistanı və ABŞ enerji sahəsində genişmiqyaslı əməkdaşlığa dair memorandumlar imzalamağı planlaşdırır. Bu anlaşmaların ümumi dəyəri 30 milyard dollar təşkil edir. Razılaşmalar Krallığın vəliəhdi və Baş naziri Məhəmməd bin Salman Əl Səudun Vaşinqtona işgüzar səfəri çərçivəsində reallaşır.

Bu barədə məlumatı "Saudi Aramco" şirkətinin rəhbəri Əmin Nasir ABŞ-Səudiyyə Ərəbistanı İnvestisiya Forumunda çıxışı zamanı açıqlayıb. O, enerjı sektorunda 30 milyard dollar dəyərində anlaşma memorandumlarının imzalanacağını qeyd edib. Nasserin sözlərinə görə, "Saudi Aramco" ABŞ-dəki investisiya portfelini davamlı olaraq genişləndirir. Şirkətin vençur kapitalı bölməsi artıq Amerika iqtisadiyyatına ciddi sərmayələr qoyub, ümumilikdə bu investisiyalar 1,5 milyard dollar həcmində sərmayəni əhatə edir. Bu böyük məbləğdə müqavilələr iki ölkə arasındakı iqtisadi əlaqələrin gücləndiyini göstərir.

Vəliəhd şahzadə Məhəmməd bin Salman hazırda ABŞ-də işgüzar səfərdədir. Ölkənin ABŞ iqtisadiyyatına qoyduğu ümumi investisiyaların artırılması əsas müzakirə mövzusudur. Vəliəhd şahzadə daha əvvəl, Ağ Evdə ABŞ Prezidenti Donald Trampla keçirdiyi görüşdə, krallığın bu yatırımları 600 milyard dollardan 1 trilyon dollara qədər artırmaq niyyətində olduğunu bildirib. Bu hədəf Səudiyyə Ərəbistanının Amerika iqtisadiyyatına olan iqtisadi etimadını və strateji tərəfdaşlığının genişlənməsini əks etdirir.