Şimali Kiprin XİN başçısı: TDT-yə üzvlük vazkeçilməz hədəf olsa da, bu yolda tələsmək lazım deyil

Şimali Kipr Türk Respublikası (ŞKTR) üçün Türk Dövlətləri Təşkilatına (TDT) tam üzvlük vazkeçilməz bir hədəf sayılır. Lakin ölkənin xarici işlər naziri Tahsin Ertuğruloğlu hesab edir ki, bu məqsədə çatmaq yolunda tələsmək lazım deyil.

Nazir "Report"a müsahibəsində bildirib ki, ŞKTR-nin tanınma siyasəti hazırda aktiv şəkildə həyata keçirilməsə, ölkənin TDT-də müşahidəçi üzvlükdən tam üzvlüyə keçməsi mümkün olmayacaq. O izah edib ki, ölkənin təşkilatda tamhüquqlu üzv olması üçün əvvəlcə digər üzvlər tərəfindən tanınması zəruridir. Yalnız bundan sonra Şimali Kiprin tam üzvlüyü haqqında danışmaq olar.

Ertuğruloğlu vurğulayıb ki, üzvlük Şimali Kipr üçün hər nə qədər vacib olsa da, bu yolda tələsmək işi çətinləşdirəcək. "Nə qədər tələssək, işi o qədər çətinləşdirərik," deyə nazir fikrini əsaslandırıb. O hesab edir ki, ancaq ağıl və səbirlə bu istəyə nail olmaq mümkündür. Qərarlı, səbirli və ağıllı olmaq ən önəmli şeydir. Həmçinin hara getmək istədiyimizi bilməliyik. O, ruh düşkünlüyünə və bəzi təhriklərə qapılmamağa ehtiyac olmadığını deyib.